Ерисилген келисимлер шеңберинде Беларусь Республикасының Витебск
ўәлаятында жайласқан "Орша-Восточная" станциясынан жолға шыққан
"Беларусь кәрўаны" екинши жүк поезды 7 суткада Өзбекстанның "Чуқурсой"
станциясына жетип келди.
44 вагоннан ибарат поезд қурамындағы жүклер "Чуқурсой"
бәндиргисине жеткеннен соң, "Ахтачи", "Раўстан",
"Назарбек" ҳәм "Какир" бәндиргилерине жибериледи.
Поезд қурамында
пәллели материаллар, қумшекер, плита материаллары, сондай-ақ, ҳәр қыйлы халық
тутыныў товарлары тасылмақта.
Бул жүк поездының
қысқа мүддетте жетип келиўи Өзбекстан ҳәм Беларусь арасында транспорт-логистика
байланысларын және де раўажландырыў, еки тәреплеме саўда көлемин арттырыў,
сондай-ақ, еки мәмлекет арасында турақлы жүк тасыўларды шөлкемлестириўде үлкен
әҳмийетке ийе.
