Бул көрсеткиш июль айының ақыры ушын бақланып атырған нормаларға жақын есапланады.
Бирақ, ығаллықтың артыўы температураның төменлеўиниң тәсирин кемейтип атырғаны, әсиресе, түнги саатларда ҳаўаның қапырықлығы менен айқын сезилди.
28-июльден 1-августқа шекемги дәўирде мәмлекет бойлап температурада үлкен өзгерислер күтилмейди. Көпшилик аймақларда күндизги температура 32-37 дәреже әтирапында, шөл ҳәм қубла аймақларда болса 38-40 дәрежеге шекем жетиўи мүмкин.
Ҳәпте даўамында тийкарғы аймақларда жаўын жаўыўы күтилмейди. Тек ғана Қарақалпақстан ҳәм таўлы аймақларда 28-июль күни күндиз қысқа мүддетли жаўын-шашын бақланыўы итималы бар.
Айырым жерлерде самалдың тезлиги секундына 13-18 метрге шекем күшейиўи, айырым жағдайларда шаң-тозаңлар бақланыўы мүмкин.
Ташкент қаласында ҳаўа-райы аз бултлы, тийкарынан қуяшлы өтиўи күтиледи. Жаўын бақланбайды. Самалдың тезлиги төменнен орташаға шекем болады. Түнги температура 21-24 дәреже, күндизги температура болса 34-37 дәрежени қурайды.
