Ҳиндстанның Нью-Дели қаласында пара жеңил атлетика бойынша жәҳән чемпионатының Т12 категориясындағы ҳаял-қызлар арасында узынлыққа секириў бойынша жарыс жуўмақланды. Онда Өзбекстан сайланды командасы ўәкили Ёқутхон Холбекова 5,54 метр нәтийжени көрсетип, барлық қарсыласларынан жеңип, алтын медалды қолға киргизди.
Бул секириў спортшымыздың усы мәўсимдеги ең жақсы нәтийжеси болды.
Жуўмақлаўшы нәтийжелер (Т12, ҳаяллар, узынлыққа секириў):
Алтын: Ёқутхон Холбекова (Өзбекстан) - 5,54 м.
Гүмис: Лида Лоунела (Финляндия) - 5,28 м.
Бронза: Линда Хамри (Алжир) - 5,16 м.
Бул Өзбекстан ушын быйылғы жәҳән чемпионатындағы биринши алтын медаль болып есапланады.
