Нызам менен айырым нызам ҳүжжетлерине өзгерислер ҳәм қосымшалар киргизилди.
Нызам менен "Пуқаралардың мәмлекетлик пенсия тәмийнаты ҳаққында"ғы Нызамға жасқа байланыслы пенсия алыў ҳуқықын беретуғын жасқа толған пуқараларға олардың мүрәжатысыз (проактив түрде) пенсия тайынланыўын және пуқаралардың усындай тәртипте тайынланған пенсиядан бас тартыў ҳуқықын нәзерде тутатуғын қосымшалар ҳәм өзгерислер киргизилди.
Киргизилген өзгерис ҳәм қосымшаларға бола, пуқараның жасқа байланыслы пенсияға болған ҳуқықы белгиленген мәлимлеме системаларынан алынған мағлыўматларға тийкарланып анықланады.
Егер пуқара оның мүрәжатысыз (проактив түрде) тайынланған пенсия муғдарынан наразы болса ямаса мийнет етиўди даўам еттириў ҳәм кейин ала жасқа байланыслы пенсияға шығыў тилегин билдирсе, ол тайынланған жасқа байланыслы пенсиядан бас тартыў ҳуқықына ийе.
Онда пуқара хабарды алған күннен баслап 10 күн ишинде Пенсия қоры бөлимине арза менен ямаса мәмлекетлик хызметлер орайы ямаса БИМХП (my.gov.uz) арқалы сораўнама толтырған ҳалда мүрәжат етиўи керек.
Пенсияны пуқараның мүрәжатын талап етпеген ҳалда (проактив формада) тайынлаў ҳаққындағы мәселе пуқара пенсия жасына толған күнниң өзинде көрип шығылады.
