Сөйлесиў алдында лорд Сарвар мәмлекетимиз басшысына Уллы Британия Бас министри Энди Бёрнэмниң қызғын сәлеми ҳәм арнаўлы хатын жеткерди.
Өз-ара пайдалы шерикликти, бәринен бурын, саўда-экономикалық тараўда және де кеңейтиў мәселелери додаланды.
Сиясий сөйлесиў жедел раўажланып, барлық дәрежелердеги алмасыўлар жеделлескени қанаатланыўшылық пенен атап өтилди. Қәўипсизлик тараўында нәтийжели бирге ислесиў жолға қойылған.
Өз-ара товар алмасыў көлеми артып бармақта. Мәмлекетимизде 260 қоспа кәрхана табыслы жумыс алып бармақта.
Лондон фонд биржасында Өзбекстан Миллий инвестиция қорының дәслепки “IPO”сы табыслы әмелге асырылды. Финанс тараўында “Standard Chartered” банки, нефть-газ тармағында болса "British Petroleum" компаниясы жедел жумыс алып бармақта.
Үш қоспа жоқары билимлендириў мәкемеси шөлкемлестирилди, Кембридж университети менен биргеликте Президент мектеплери иске қосылды. Британия туристлериниң саны да артып бармақта.
Инфраструктураны раўажландырыў, энергетика, қаржы, геология, транспорт, билимлендириў, денсаўлықты сақлаў ҳәм басқа да тараўларда жаңа жойбарларды алға қойыў, оны, соның ишинде, Британия экспортты қаржыландырыў агентлиги (UKEF) қатнасыўында әмелге асырыў әҳмийетли екенлиги атап өтилди.
Уллы Британия тәрепи Ташкент қаласында "инглис ҳуқықы" принциплери тийкарында ислейтуғын Халықаралық финанс орайының жумысын жолға қойыўда жәрдемлесиўге таяр екенин билдирди.
Ушырасыў жуўмағында көп қырлы бирге ислесиўди буннан былай да раўажландырыў бойынша биргеликтеги "жол картасы"н қабыл етиў бойынша келисимге ерисилди.
