Мемлекет басшысы Хорезм облысына жасаған сапары барысында халыққа жасалып жатқан қолайлы жағдайлармен танысты.
«ЕВРО-5» стандартына сай бұл автобустардың сыйымдылығы 70 адам. Төмен еденді болғандықтан мүгедек жандар мен қарт адамдар үшін де ыңғайлы. Сонымен қатар, Wi-Fi және бейнебақылау камераларымен жабдықталған. Мұндай заманауи қоғамдық көліктер жас пен кәріні бірдей қуантады.
Бұрынғы шағын автобустардың әрқайсысы күніне 200–300 жолаушы тасымалдаса, жаңа автобустардың әрқайсысы 1000 адамға дейін қызмет көрсетіп отыр. Қозғалыс аралығы да екі есеге қысқарып, 5–12 минут аралығында жүре бастады. Соның нәтижесінде Үргеніш қаласында қоғамдық көлікпен жүру деңгейі 38 пайызға жетті.
Ең бастысы, мұндай жағдайлар көлік тапшылығы мен көше кептелісінің алдын алып, азаматтардың еркін қозғалуына жағдай жасауда.
Қоғамдық көлікпен жеткілікті қамтылмаған аумақтар үшін кәсіпорын тарапынан жақын күндері тағы 30 автобус әкелу жоспарланған.
Мемлекет басшысы қоғамдық көлікті аудандармен тиімді байланыстыру, бағыттарды ыңғайлы ету жөнінде тапсырмалар берді. Жолдарды жөндеу, жүргізушілердің біліктілігін арттыру және техникалық қызмет сапасын көтеру автобустардың пайдалану мерзімін ұзартуда маңызды фактор екені айтылды.
