Шараға Қырғызстан, Қазақстан, Тәжікстан, Түркіменстан және Өзбекстан сыртқы істер министрлерінің орынбасарлары, сондай-ақ Еуропа сыртқы әрекеттер қызметі Бас хатшысының орынбасары, саяси директоры Энрике Мора қатысты.
Кездесуге елімізден Сыртқы істер министрінің орынбасары Ғайрат Фозилов басшылығындағы делегация қатысты.
Қатысушылар Еуропа Одағы мен Орталық Азия елдеріндегі соңғы өзгерістер, жалпы қауіпсіздік проблемалары, Ауғанстандағы жағдай бойынша олар арасындағы ынтымақтастықты, сондай-ақ су ресурстары, энергетика, шекараны басқару және сауданы жеңілдету сияқты кең ауқымды мәселелер бойынша аумақаралық ынтымақтастықты талқылады.
Тараптар бейбітшіліктің, тұрақтылық пен өркендеудің маңызды факторы ретінде Еуропа Одағы елдері мен Орталық Азия арасындағы тығыз байланыстарды орнатуға бағытталған “Еуропа Одағы — Орталық Азия” өзара байланыстылық және тұрақты даму бойынша министрлер конференциясының Самарқант қаласында өтуін құптады.
Кездесу қатысушылары Ауғанстандағы жағдай, сондай-ақ ауған халқына гуманитарлық көмек көрсету жөнінде де пікір алысты, деп хабарлайды СІМ баспасөз қызметі.
