2022 жылдың 23 сентябрінде Boeing компаниясы «Uzbekistan GTL» зауытында өндірілген GTL керосинін Бұхара мұнайды қайта өңдеу зауытында шығарылатын дәстүрлі Jet A-1 авиациялық жанармайымен араластыру компоненті ретінде пайдалану мүмкіндігін ресми түрде растады.
25 сентябрьде Францияның Airbus авиакомпаниясы авиациялық жанармай саласындағы техникалық талаптарды реттейтін ASTM7566 халықаралық стандарттарға негізделген осындай растауды жіберді.
Сонымен қатар, 22 сентябрьде Швейцарияның тәуелсіз сараптама, бақылау, сынақ және сертификаттаумен айналысатын SGS компаниясы Бұхара мұнай қайта өңдеу зауытында өндірілетін GTL Jet A-1 жартылай синтетикалық авиажанармайының сапасы халықаралық стандарттарға сәйкес келетінін растады. Бұл авиация үшін жанармай ретінде пайдалануға мүмкіндік береді.
Жобаға сәйкес, «Uzbekistan GTL» зауытында өндірілетін GTL керосині мұнай керосинімен араластырылып, Jet A-1 жартылай синтетикалық авиациялық жанармайын өндіруге арналған компонент ретінде пайдаланылады. Сонымен қатар, GTL зауытының мамандары GTL керосинін дәстүрлі жанармаймен араластырмай, тікелей авиациялық жанармай ретінде пайдалануға авиациялық жанармай саласындағы халықаралық бақылаушы органдардан рұқсат алу бойынша жұмыс жүргізуде.
Дәстүрлі мұнайдан алынатын керосинмен салыстырғанда, GTL керосин күкірт диоксиді, азот оксиді және бөлшектердің айтарлықтай төмен деңгейімен жанады. Бұл ұшақ жанармайының жануы нәтижесінде шығындылар көлемін айтарлықтай дәрежеде азайту, оны экологиялық таза және тұрақты ету мүмкіндігін береді деп, хабарлайды Энергетика министрлігінің баспасөз қызметі.
«Uzbekistan GTL» зауыты жылына 500 мың тоннаға дейін синтетикалық керосин өндіруге мүмкіндігі бар.
