Ресей Федерациясының Свердловск облысының губернаторы Евгений Куйвашев басшылығындағы делегацияның Ферғана облысына сапары аясындағы негізгі ресми шаралар екі облыс басшылары мен ресми тұлғалардың кеңейтілген кездесуімен басталды.
Ферғана облысы мен Свердловск облысы арасындағы аймақаралық іс жүзіндік ынтымақтастықты дамытуға бағытталған кездесуде сауда-экономикалық, инвестициялық, әлеуметтік, мәдени, туристік және басқа да көптеген салаларды кеңейту мәселелері талқыланды.
Екатеринбург қаласында облысымыздың тауар өндірушілердің өнімдерін насихаттайтын “Ферғана сауда үйін” ашу, облысымыздың өнеркәсіп және ауыл шаруашылығы өнімдерін Свердловск облысына экспорттау көлемін арттыру, Ферғана және Екатеринбург қалалары арасында тікелей әуе қатынауларын жолға қою, технологиялық бағыттарда мамандар даярлауда екі облыстың жоғары оқу орындары арасында біріккен бағдарламалар ұйымдастыру, мәдениет және туризм саласындағы ынтымақтастықты кеңейту, өзара спорттық жарыстар өткізу, сондай-ақ екі облыста өтетін өнеркәсіп, туризм және тағы басқа көрмелерде кәсіпкерлер мен бизнесмендердің өзара қатысуын қамтамасыз ету сияқты тақырыптар күн тәртібінен орын алды.
Аумақаралық ынтымақтастықты одан әрі дамыту мақсатында Ферғана мен Екатеринбург арасындағы бауырлас қалалар келісіміне қол қою жұмыстарын ұйымдастыруға да келісілді.
Кездесу соңында Ферғана облысының әкімдігі мен Свердловск облысының үкіметі арасында сауда-экономикалық, ғылыми-техникалық, әлеуметтік-гуманитарлық және тағы басқа да салаларды қамтитын Ынтымақтастық туралы Келісімге қол қойылды.
Облыс әкімі Хайрулло Бозоров пен Свердловск облысының губернаторы Евгений Куйвашев қол қойған келісімге негізінде екі облыстың өнеркәсіп, сауда, ауыл шаруашылығы, ғылым және технология, білім, денсаулық сақтау, мәдениет және өнер, туризм, спорт, инвестициялық және инновациялық қызмет көрсету салаларында көң көлемді ынтымақтастық жолға қойылады, деп хабарлайды Ферғана облысы әкімдігінің баспасөз қызметі.
