Ұн, күріш, шекер және басқа да азық-түлік, бірінші кезекте қажетті заттар, киім-кешек, тоқымашылық бұйымдары, 4 мың тоннадан астам көмір тиелген гуманитарлық көмек өзбек халқының Ауғанстанға жасаған кезекті жақсылығы болды.
Салтанатты шарада сөз сөйлеген Ауғанстан Уақытша үкіметінің Сыртқы істер министрінің орынбасары Шер Аббос Станакзай ел үшін қиын-қыстау кезеңде үнемі назар аударып, қолдау көрсетіп, ынтымақтастық үшін Өзбекстан Республикасы Президенті Шавкат Мирзияевқа бүкіл Ауғанстан халқының атынан алғыс айтты.
Өзбек басшысы ауған халқына көмек көрсету үндеуіне алғашқылардың бірі болып үн қосқаны, оның саясатын көп ұлтты ауған халқы адамгершіліктің, бауырмалдық пен тату көршіліктің шынайы көрінісі ретінде қабылдағаны атап өтілді.
Аббас Станакзай ауған халқы Өзбекстан басшысының бауырластық қарым-қатынасын әрқашан сезінгенін, сондықтан елдің жаңа билік кеңселері жақсы көршілік қарым-қатынасты одан әрі нығайту үшін қолдан келгеннің бәрін жасайтынын және көршілес елдерге, соның ішінде Өзбекстанға өз аумағынан қауіп төндірмейтінін айтты.
Балх облысының әкімі Құдратилла Абу Хамза аталмыш гуманитарлық көмектің дер кезінде жеткізілгенін және биылғы қыста ауған халқы үшін ерекше маңызды екенін айтты. Оның айтуынша, бұл екі бауырлас халық арасындағы терең тарихи-рухани байланыстың тағы бір дәлелі.
Салтанатты шарада сөз сөйлеген Ауғанстан жұртшылығының өкілдері, сондай-ақ белгілі этникалық өзбектердің танымал қайраткерлері тағы бір рет өздері үшін ең қиын да сынаулы кезеңде мұң-мұқтаждары мен ұмтылыстарын ешқашан ұмытпаған, ауған халқының шынайы досы болған Өзбекстан басшысына тағы да алғыстарын білдірді.
Олардың пікірінше, Өзбекстан тарапынан көрсетілген көмек шын мәнінде елдегі жаппай ашаршылықтың, ауыр гуманитарлық және азық-түлік дағдарысының алдын алуға көмектеседі.
Шара барысында өзбекстандық аспаздар өзбек палауын әзірлеп, жиналғандардың барлығына, сондай-ақ Ауғанстан жұртшылығының көптеген өкілдеріне тарту етті.
Өзбекстан Сыртқы істер министрлігінің баспасөз қызметі.
