Белгілі дәрігер Өзбекстанға сапары барысында Республикалық мамандандырылған травматология және ортопедия ғылыми-тәжірибелік медициналық орталығында болып, төрт науқасқа жоғары технологиялық күрделі операция жасады.
Негізі жамбас-сан буындарын эндопротездеу тәжірибесі мекеме мамандары үшін жаңалық емес. Бұл салада дәрігерлердің тәжірибесі мен әлеуеті зор. Бірақ бұл жолы науқастардың жағдайы әлдеқайда күрделі еді.
Мысалы, олардың біріне «екі жақты коксартроз, коронавирустан кейінгі синдром, екі сан сүйегі басының асептикалық некрозы» нақтамасы қойылған.
Италияндық дәрігер өзбек әріптестерінің қатысуымен ауруды емдеуге арналған бірегей ота жасауды ұйғарды. Нәтижесінде науқастың екі жамбас буынына бір уақытта заманауи эндопротездеу құрылғылары орнатылды. Екі сағатқа созылған ота сәтті өтті.
Сонымен қатар, Альберто Беллуатини 20-дан астам науқасқа кеңес берді. Медициналық тексерулер оңалту, артроскопия, спорттық травматология, хирургиялық жағдай және ересектер травматологиясы бөлімдерінде медициналық тексерулер ұйымдастырылды.
Атап айтқанда, Республикалық мамандандырылған травматология және ортопедия ғылыми-тәжірибелік медициналық орталығымен «Santa Maria delle Croci» госпиталімен ынтымақтастық орнату жөнінде келіссөздер жүргізілді, деп хабарлайды Денсаулық сақтау министрлігінің баспасөз қызметі.
