Бүгін Түркіменстан астанасында Орталық Азия елдері мен Ресей Федерациясының бірінші парламентаралық форумы өз жұмысын бастады.

Түрікменстан Президенті Сердар Бердимухамедов форум қатысушыларына құттықтау жолдады. Түркіменстан басшысы «Орталық Азия – Ресей Федерациясы» форматындағы Парламентаралық форум қатысушы мемлекеттердің дәстүрлі достық қарым-қатынастарын жаңа деңгейге шығаруға қызмет ететініне сенім білдірді.

Түркіменстан Президентінің жолдауында атап өтілгендей, «түркімен халқы достық пен бауырластықты, халықтардың татулығы мен бірлігін жоғары бағалайды. Ортақ рухани және мәдени құндылықтардан туындайтын өзара тиімді ынтымақтастық Орталық Азия елдері мен Ресей Федерациясы арасындағы қарым-қатынастардың берік іргетасы болып табылады. Біздің халықтарды сан ғасырлық тарих, тату көршілік, достық пен бауырластық байланыстырады».

Орталық Азия мемлекеттері мен Ресей Федерациясы парламентаралық форумының ашылу салтанаты Түркіменстан Халық Мәслихаты Миллий Генгеши төрағасы Гурбангули Бердимухамедовтың, сондай-ақ ТМД қатысушы мемлекеттері Парламентаралық Ассамблеясының төрағасы Валентина Матвиенконың кіріспе сөзімен басталды.

Форумның күн тәртібінде өзгеріп жатқан жаһандық мәселелер мен проблемаларды шешудегі ұлттық парламенттердің орны, Орталық Азия мемлекеттері мен Ресей арасындағы парламентаралық байланыстардың жағдайы және оны кеңейту болашағы, сондай-ақ жаңа нормативтік-құқықтық механизмдердің талқылануы көзделген.

Өзбекстан Республикасы Олий Мажлисі Сенатының Ақпарат қызметі.