Өзбекстан Республикасының Президенті Шавкат Мирзиёев «Kamco Invest» компаниясының басшысы Абдулла әл-Шарихпен кездесу өткізді.
1998 жылы құрылған «Kamco Invest» қаржы компаниясы активтерді басқару, инвестициялық банкинг және брокерлік қызметтер көрсету саласында маманданған. Компанияның Біріккен Араб Әмірліктері, Сауд Арабиясы, Иордания және Ұлыбританияда өкілдіктері бар.
Кездесу барысында жекеменшік компаниялардың корпоративтік қызмет тиімділігін арттыру жобасын жүзеге асыру және Қосымша инвестициялық платформа құру туралы келісімге қол жеткізілді.
Өзбекстан Республикасының Президенті Шавкат Мирзиёев 14 наурыз күні Ресей Федерациясы Федералдық Жиналысының Мемлекеттік Дума Төрағасы Вячеслав Володинді қабылдады. Өзбекстан мен Ресей арасындағы кең ауқымды стратегиялық серіктестік және одақтастық қатынастардың өзекті мәселелері қаралды.
Өзбекстан Республикасы Президенті Шавкат Мирзиёев пен Франция Республикасы Президенті Эммануэль Макрон Парижде өткен келіссөздердің қорытындысы бойынша Стратегиялық серіктестік орнату туралы бірлескен декларацияға қол қойды.
