Сұхбат басында Ильхам Әлиев Консультативтік кездесуге қатысуға шақырғаны үшін Өзбекстан басшысына ризашылығын білдірді.
Мемлекет басшымыз, өз кезегінде, бауырлас Әзербайжан Президенті мен халқын биыл 8 қазанда аталып өткен Жеңістің бес жылдық мерейтойымен шынайы құттықтады.
Өзбекстан Президентінің биыл шілде айында Әзербайжанға жасаған мемлекеттік сапары барысында қол жеткізілген келісімдерді орындау аясында Өзбекстан – Әзербайжан стратегиялық серіктестігі мен одақтастық байланыстарын одан әрі дамыту және нығайтудың өзекті мәселелері талқыланды.
Барлық деңгейде тиімді алмасулар жалғасуда. Биылғы жылдың басынан бері өзара тауар айналымы 15 пайызға артты. Автомобиль жасау, энергетика, туризм және басқа да салаларда өнеркәсіптік кооперация бойынша бірлескен жобалар белсенді кезеңге өтті.
Мемлекет басшылары алдағы жоғары деңгейдегі кездесулер мен іс-шаралар жоспарын да қарастырды.
