Өзбекстан мен Ресей арасындағы өзара тиімді ынтымақтастықты одан әрі кеңейту, ең алдымен Санкт-Петербург қаласымен экономикалық кооперация жобаларын және мәдени-гуманитарлық алмасу бағдарламаларын жүзеге асыру мәселелері қаралды.
Өзара тауар айналымының өсіп отырғаны атап өтілді. Өткен жылдың қорытындысы бойынша өңірлер деңгейіндегі экспорт-импорт көлемі 20 пайызға артқан. Ташкент қаласында Іскерлік орталық құру, сондай-ақ Жаңа Ташкент аумағында «Петербург кварталын» салу жобасын әзірлеу жұмыстары жүргізілуде.
Ресей делегациясының бұл сапары аясында металлургия, машина жасау, жол құрылысы, фармацевтика және денсаулық сақтау, азық-түлік өнеркәсібі, ауыл шаруашылығы, логистика және басқа да салаларда 23 кооперация жобасын жүзеге асыру бойынша «жол картасы» қабылданды.
Жеке медицина, білім беру, коммуналдық шаруашылық, цифрлық технологиялар, миграция және туризм салаларында практикалық ынтымақтастықты кеңейтуге қатысты нақты ұсыныстар қолдау тапты.
Белсенді гуманитарлық байланыстарды жалғастыруға және бірлескен мәдени іс-шараларды тұрақты өткізуге ерекше мән берілді.
Осы жылдың қазан айында екі ел өңірлері кеңесінің екінші отырысын тиімді өткізуге бағытталған шараларды қабылдау жөнінде келісімге қол жеткізілді.
