Сұхбат басында Беларусь басшысы Мемлекет басшысын және көп ұлтты халықты келе жатқан Тәуелсіздік күнімен құттықтап, Өзбекстанға бейбітшілік, тұрақты даму және өркендеу тіледі.
Өзбекстан Президенті өз кезегінде Беларусь Президентін туған күнімен шын жүректен құттықтап, оған зор денсаулық, бақыт және толағай табыстар тіледі.
Өзара тиімді ынтымақтастықты кеңейту және практикалық серіктестік жобаларын ілгерілету мәселелері талқыланды.
Тараптар Өзбекстан-Беларусь қарым-қатынастары жоғары деңгейдегі келісімдердің жүзеге асуы арқасында жоғары деңгейге жеткенін атап өтті.
2021 жылы тауар айналымы 44 пайызға өссе, биылғы жеті айда 12 пайызға артқан. Өткен аптада Минскіде Бірлескен үкіметаралық комиссияның кезекті отырысы сәтті өтті.
Экономиканың түрлі салаларындағы ауқымды ынтымақтастық жобаларын жеделдету маңыздылығы атап өтілді. Мемлекет басшылары белсенді мәдени-гуманитарлық алмасу бағдарламаларын жалғастыру қажеттігін сөз етті.
Аймақтық күн тәртібі, оның ішінде осы жылдың қыркүйек айында Шанхай ынтымақтастық ұйымының Самарқанд саммитін өткізу мәселелері бойынша пікір алмасылды.
