Кездесу басында Мемлекет басшылары бір-бірін дипломатиялық қарым-қатынастардың орнатылғанына 30 жыл толуымен шын жүректен құттықтады.
Өзбекстан-Моңғолия қарым-қатынастарын жандандыру мәселелері талқыланды.
Екі ел Президенттері осы жылдың маусым айында Ташкент қаласында өткен бірінші бірлескен бизнес-форумның нәтижелерін жоғары бағалады.
Сауда-экономикалық ынтымақтастықты одан әрі кеңейту үшін кең мүмкіндіктер бар екені айтылды. Бұл үшін шарттық-құқықтық базаларды қалыптастыруға, бірлескен ынтымақтастыққа, ең алдымен агроөнеркәсіп саласындағы нақты жобалар мен бағдарламаларды ілгерілетуге баса назар аударылды.
Мәдени-гуманитарлық алмасулар мен өңіраралық байланыстарды кеңейтуге екі тараптың да мүдделі екені айтылды.
Моңғолия Президенті Өзбекстанның Шанхай ынтымақтастық ұйымына тиімді төрағалығын атап өтіп, саммиттің сәтті өтуіне тілектестік білдірді.
Кездесу соңында екі ел арасындағы саяси-экономикалық қарым-қатынасқа жүйелі өзгеріс беріп, өзара тиімді ынтымақтастықты одан әрі кеңейту бойынша «Жол картасын» қабылдауға келісілді.
