Сұхбат барысында екіжақты және халықаралық маңызға ие өзекті мәселелер талқыланды.

Ресей Президенті 6 тамыз күні Мәскеу қаласында АҚШ Президентінің арнайы өкілі Стивен Уиткоффпен өткен келіссөздердің негізгі нәтижелері туралы ақпарат берді.

Жоғары деңгейдегі келісімдерді іске асыру аясында Өзбекстан мен Ресей арасындағы кең ауқымды стратегиялық серіктестік пен одақтастық қатынастарды одан әрі дамыту және нығайтудың практикалық аспектілері де қаралды.

Өзара тауар айналымы мен инвестиция көлемінің өсу қарқынын қамтамасыз ету, экономиканың басым салаларында кооперациялық жобаларды жеделдету, өңірлік деңгейдегі тиімді байланыстарды, іскерлік және гуманитарлық алмасуларды жалғастыруға бағытталған келісілген шараларға ерекше назар аударылды.

Өзбекстан мен Ресей басшылары алдағы кездесулер мен іс-шаралар жоспарын да қарастырды.