Бұл сапар қатысушыларының арасында Ауыл шаруашылығы министрлігіне қарасты Жеміс-көкөніс, жүзім өсіру және бақша өнімдері мен картопты дамыту басқармасының өкілі де бар.
Сапарда ФАО-ның «COVID-19-ға жауап ретінде картоп секторын қалпына келтіру және дамыту» жобасының бір бөлігі болып, ол Өзбекстанда картоп саласының өндіру әлеуетін арттыруға бағытталған. Жобаны жүзеге асыру барысында картоп сұрыптарын тізімге алу және тұқымды сертификаттау жүйесін жетілдіру, картоп өсіруді жаңғырту бойынша ғылыми-зерттеу істерін жетілдіру, жоғары сапалы картоп өсіруді дамыту және оны сақтау жағдайларын жақсарту, ең бастысы, осы салада жұмыс істейтін фермерлерді, агрономдарды, тағы басқа да мамандарды дайындау жұмыстары жүргізілді.
Тұқымдық картоп егу үшін арнайы өсіріледі. Мұндай картоп ауруға төзімді және өнімділігі жоғары және оның бағасы кәдімгі картопқа қарағанда бірнеше есе жоғары болады. Картоп тұқымын өсіру әдетте бірнеше жылға созылады. Бұл тұрғыда Түркияның әлеуеті зор. Елімізде жыл сайын 150 мың гектар алқапта 5 миллион тоннаға жуық картоп өсіріледі, оның 450 мың тоннаға жуығы тұқымдық картоп.
Өзбекстан делегациясы Түркияның Сивас қаласындағы картоп тұқымын өндіретін ең ірі «Doga Seed» компаниясында болып, өнімді өсірудің түрлі кезеңдерімен танысты. Келесі сапар Түркия картоп ғылыми-зерттеу институты орналасқан Ниғде қаласына ұйымдастырылды. Институтта жүргізілген ғылыми-зерттеулер туралы тұсаукесер өзбекстандық мамандардың назарына ұсынылды. Жерлестеріміз Тирхон ауылындағы фермер шаруашылықтарын аралап, диқандармен тілдесіп, тіпті мұндағы картоп жинау жұмыстарына да атсалысты.
Одан кейін жерлестеріміз картоп сақтайтын ерекше табиғи үңгірлерімен әйгілі Невшехирде болды. Қоймалардың құрылымы мен өнімді сақтау әдістерін үйренген Өзбекстан делегациясы “Doga Seed” компаниясының Невшехир қаласында орналасқан тағы бірнеше нысандарында, соның ішінде картоп өндіретін зауытта болды.
Анкарада өзбекстандық мамандар Түркияда сертификатталған тұқымдық картоп өсіру және картоп сұрыптарын тіркеуден өткізудің түрлі мәселелерге жауапты болған мемлекеттік кеңселерде кездесулер өткізді, деп хабарлайды Ауыл шаруашылығы министрлігінің баспасөз қызметі.
Тұқымдық картоп өсірудегі Түркияның озат тәжірибесін зерделеу өзбекстандық мамандарға жергілікті өндірушілерді қолдап-қуаттау және Өзбекстанда картоп саласының әлеуетін арттыру мақсатында шетелдік тәжірибені тиімді енгізуге мүмкіндігін береді.
