Айта кетейік, Өзбекстан Республикасы Президентінің 2018 жылғы 12 июльдегі ПҚ-3851-санды «Экономиканың негізгі салаларын реформалау бойынша ұзақ мерзімді бағдарламаларды жасауда және жүзеге асыруда беделді халықаралық сарапшыларды тарту іс-шаралары туралы» қаулысына орай, сондай-ақ Дүниежүзілік банк ұсынымдары негізінде мұнай-газ өнеркәсібін реформалау және өзгерту жұмыстары қарқынды жүргізілуде.
Кездесу барысында Дүниежүзілік банктің энергетика және газ секторының мамандарымен Өзбекстан Республикасында газ секторын реформалау және төмен көміртекті сутегі өндірісін дамыту бойынша «Жол картасы» талқыланды.
Сонымен қатар тараптар жылыжай газдарының шығындыларын азайту және өндірістік кәсіпорындардың тиімділігін арттыру бойынша озық технологиялық шешімдерді енгізуге қатысты өзекті мәселелерді талқылады.
Сондай-ақ, Дүниежүзілік банктің энергетиктері «Узбекнефтгаз» АҚ-мен бірге жасыл, күн және жел энергиясымен сутегі өндіру бойынша жобаларын бірлесіп зерттеуді ұсынды.
Кездесу соңында тараптар жасыл жобаларды жүзеге асыру арқылы экономикалық даму мүмкіндіктерін бірлесіп талдау бойынша ынтымақтастықтың келесі кезеңдерін белгіледі, деп хабарлады «Узбекнефтгаз» АҚ баспасөз қызметі.
