Кездесуде Қазақстан Президенті Қасым-Жомарт Тоқаевтың ағымдағы жылғы 21-22 декабрь күндері Өзбекстан Республикасына сапары барысында қол қойылған инвестициялық келісімдер мен сауда келісімдерін жүзеге асыруға бағытталған «Жол картасын» жасауға келісілді.
Құжат энергетика, көлік, электртехника және химия өнеркәсібі, инфрақұрылымдық құрылыс, машинажасау, фармацевтика және ауыл шаруашылығы салаларындағы инвестициялық және сауда ынтымақтастығы бойынша 37 шараны қамтиды, деп хабарлайды Инвестициялар және сыртқы сауда министрлігінің баспасөз қызметі.
«Жол картасында» төмендегі жобаларды жүзеге асырудың нақты қадамдары қарастырылған:
- Науаи және Ташкент облыстарында фосфорлы және кешенді минералды тыңайтқыштар өндіру («Казфосфат» ЖШҚ және «Узкимёсаноат» АҚ ынтымақтастығында);
- Самарқант, Ташкент және Ферғана облыстарында салынып жатқан жалпы қуаттылығы 2 ГВт-қа дейінгі көмірмен істейтін үш жылу электр станциясының отынға қажеттілігін ұзақ мерзімді (кемінде 10 жыл) Шұбаркөл кеніндегі көмірімен қамтамасыз ету;
- BI Group компаниясымен бірлесіп Ташкент қаласында тұрғын үй, әлеуметтік және коммерциялық инфрақұрылым салу;
- «Allur компаниялар тобы» АҚ қатысуымен Қазақстанда Chevrolet Onix автомобильдерін шығару;
- Қарағанды облысында «Artel» тұрмыстық техникасының өнімін өндіру;
- Шымкент қаласында керамикалық плитка өндірісін ұйымдастыру;
- ерте пісетін картопты, ет және ет өнімдерін, жеміс-жидектер мен көкөністерді жеткізіп беру.
