Онда Шанхай ынтымақтастық ұйымының (ШЫҰ) құрылу тарихы, мүше елдер туралы, тағы басқа да маңызды мәліметтер қамтылған.
Автордың айтуынша, ШЫҰ-ға төрағалық ететін Өзбекстан Орталық Азияның тарихи орталығы — Самарқантта мемлекет басшыларының сентябрь айында өтетін саммитіне қызу дайындық үстінде. Оның пікірінше, июль айының соңында Ташкентте өткен ШЫҰ-ға мүше мемлекеттер сыртқы істер министрлерінің саммиті осы бағыттағы маңызды қадам болды.
Автор ШЫҰ-ның Бас хатшысы Чжан Миннің “ШЫҰ-ның рухын бұқараландырғаны” үшін Өзбекстан Республикасының Президентіне, сондай-ақ Өзбекстан сыртқы істер министрі міндетін атқарушы Владимир Норовқа үлкен дайындық істері үшін алғыс білдірген сөзінен үзінді келтіреді.
Мақалада июль айында Ташкентте өткен кездесуде ШЫҰ сыртқы істер министрлері өз елдерінің басшыларына Беларусьтың бақылаушы мәртебесіндегі мемлекеттен Шанхай ынтымақтастық ұйымының толыққанды мүшесіне өтуді қарастыру мәселесінде өз елдерінің басшыларына ұсынуға келісті.
Автордың пікірінше, алдағы Самарқант саммиті әлем саясатында маңызды оқиға болады, сондай-ақ ШЫҰ кеңістігінің геосаяси шекарасын кеңейтеді және халықаралық күн тәртібіндегі өзекті мәселелердің шешілуінде маңызды фактор ретінде қызмет етеді, деп хабарлайды «Дуне» AA.
