Айта кету керек, Сингапур Оңтүстік Азия аймағындағы ең бай елдердің бірі және жыл сайын миллиондаған саяхатшылар шет елдерге саяхаттайды. Сингапурдың жыл бойына жылы ауа райына және таулы аймақтардың болмауына байланысты сингапурлықтардың көпшілігі Жапония, Оңтүстік Корея және Еуропа елдеріндегі тау-шаңғысы курорттарына саяхат жасайды.
Осы орайда Өзбекстандағы «Амирсой» сияқты жалпы маусымдық тау-шаңғысы курорты және жақын арада іске қосылуы жоспарланған Шарбақ-Шымған, Замин тау-шаңғысы курорттары сингапурлық туристердің қызығушылығын тудырып отыр.
Делегацияның алғашқы баратын жері «Амирсой» жалпы маусымдық тау-шаңғы курорты болды, ал қонақтар бұл кешеннің инфрақұрылымдық нысандарымен танысты.
Сингапурдағы ең ірі туроператорлардың бірі «EU Holidays» компаниясының директоры Вонг мырзаның айтуынша, бұл кешенде жасалған жағдайдың Жапония немесе Оңтүстік Кореядағы тау шаңғысы курорттарынан кем түспейтінін және бағасы жағынан әлдеқайда арзан екенін айтты. Самарқант, Бұхара және Хиуа сияқты тарихи қалалармен танысу сингапурлық қонақтардың сапары қызықты өтуіне септігін тигізеді.
Делегация өкілдері ағымдағы жылдың 20 майда Самарқант облысында болды. Сапар барысында олар «Гури Амир», «Регистан» кешені, «Шахи Зинда» сияқты туристік нысандармен және сонымен бірге MICE туризмге сай келетін «Silk Road Samarqand» туристік кешенімен танысты.
Сингапурдың «Pegasus Travel Management» туристік компаниясының директоры Ч.Тан мырзаның осы кешенде орналасқан бес (5*) және (4*) жұлдызды қонақүйлердің шетелдік кәсіпкерлер мен бизнесмендер үшін қолайлы екенін және бұл кешенде ірі халықаралық іс-шараларды ұйымдастыруға барлық жағдай жасалғанын тілге тиек етілді.
Бағдарламаға сәйкес делегация мүшелері Бұхара және Хиуа қалаларында да болып, ертең, 24 майда Ташкент қаласында өтетін Өзбекстан-Сингапур бизнес форумына қатысуы жоспарлануда.
Бизнес-форум аясында Сингапур туристік кеңесімен және Сингапур туристік агенттіктерінің ұлттық қауымдастығымен (NATAS) ынтымақтастықты дамытуға бағытталған өзара түсіністік туралы меморандумдарға қол қойылады деп күтілуде, деп хабарлайды Мәдениет және туризм министрлігінің баспасөз қызметі.
