Келіссөздер кезінде Өзбекстан мен Франция басшылары арасындағы қол жеткізген барлық келісімдерді толық жүзеге асырудың маңыздылығы атап өтілді.
Тараптар Өзбекстан-Франция қарым-қатынастарының күн тәртібіндегі өзекті мәселелерді талқылады. Парламентаралық байланысты нығайту, өзара ынтымақтастықтың құқықтық негіздерін кеңейту, мәдени-гуманитарлық және білім беру саласындағы алмасуларды тереңдету бойынша ұсыныстар қарастырылды.
Экономикалық дипломатияның белсенді дамуына ерекше көңіл бөлінді. Осы тұрғыдан алғанда сауда-экономикалық ынтымақтастық бойынша Үкіметаралық комиссияның кезектегі мәжілісін өткізу, Францияның «Semmaris», «Suez», «Alstom» және тағы басқа да жетекші компаниялармен біріккен инвестициялық жобаларды жүзеге асыру туралы пікір алмасылды, деп хабарлайды Сыртқы істер министрлігінің баспасөз қызметі.
