Әр өңірдің «өсу нүктелерін» дамыту, халықты жұмыс орындары және табыс көздерімен қамтамасыз ету –мемлекеттік саясатымыздың басым бағыты. «Алтиариқ» ауданында диқаншылық осындай іргелі сала. Бұл өлке тұрғындарының өнім өсіріп, экспорттау дәстүрі бар.
Бұған дейін бұл ауданда мақта, астық көп өсірілді. Мемлекет басшысының идеясымен ауыл шаруашылығы дақылдары қызығушылық пен нарық талаптарына сәйкес өзгертілді. Бұл ретте егін егуге еркіндік беріліп қана қоймай, оған жан-жақты қолдау көрсетілуде.
Атап айтқанда, Өзбекстан Президентінің жеміс-көкөніс өнімдерін өндіру саласында қосымша құн тізбегін құру, жүзім шаруашылығын дамытуда кластерлік жүйені енгізу туралы шешімдері бұл салаға жаңа мүмкіндіктер ашты. Шаруа қожалықтарына субсидиялар берілді, мемлекет озық технологияларды қолдануды ынталандырды. Осы мүмкіндіктердің нәтижесінде бүгінде жүзім шаруашылығы ірі салаға айналды, мұндай шаруашылықтар көбейіп келеді.
2020 жылы аудандағы «Хайрулло Бахром Бойматов» шаруа қожалығы 75 гектар жерге жүзім плантациясын құрды. Мемлекет басшысы осы жүзімдікті аралап көрді.
ұнда жүзімнің «Хусайни», «Келинбармоқ», «Ризамат», «Мерседес» сияқты сорттары өсіріледі. Олар келесі жылы толық жеміс берсе жалпы 3000 тонна жүзім өсіріледі.
Бұған дейін бұл аймаққа мақта егіліп, орташа есеппен 25 центнерден өнім алынған. Қазір жүзім бағасымен салыстырғанда гектардан түсетін табыс 10 есеге жуық өсті.
Тағы бір маңызды жайт, шаруашылықта маусымдық жұмыстармен қатар 700 адам жұмыспен қамтылған. Күніне 200 мың сумға дейін табыс табады.
Мемлекет басшысы жастар мен жұмыссыз азаматтарға жүзім күтімін үйретіп, олармен бірлесіп жүзім өсіру, шетелдегі қандастарымызды да тарту қажеттігін баса айтты.
Бақшада алма, шие және өрік көшеттері, қарбыз, қауын, қызанақ, бұрыш, болгар бұрышы және басқа да көкөністер егілген. Бұлар да халықтың табысын арттырып, елдің экспортын арттырудың қосымша көзі болып табылады.
Бақшаның жанынан сыйымдылығы 2 мың тонналық тоңазытқыш қоймасы салынған. Мұнда өнімдер сақталып, сұрыпталып, Түркия мен ТМД елдеріне экспортталады.
Мемлекет басшысы елімізде жүзім өсіруге қолайлы климаты бар аудандардың көп екеніне тоқталып, «Алтиариқ» тәжірибесін енгізу және оларда жүзімдіктерді көбейту жөнінде тапсырмалар берді.
