Диалог барысында атап өтілгендей, Оңтүстік Корея парламенті өкілдерінің Өзбекстанға сапары ашықтық, өзара құрмет пен бір-бірінің мүдделерін ескеру қағидаттарына негізделген екіжақты достық пен ерекше стратегиялық серіктестіктің кеңейіп, нығая түскенін тағы бір рет көрсетеді.
Пак Кванг Он Корея Республикасы Жаңа Өзбекстандағы ауқымды өзгерістер үдерісін, оның ішінде елдің Негізгі заңын реформалау бойынша қарастырылып жатқан іс-шаралар үдерісін қызу қолдайтынын мәлімдеді.
Өзбекстан Президенті Шавкат Мирзияевтың 2021 жылғы декабрьде Корея Республикасына мемлекеттік сапарының қорытындысы бойынша қол жеткізілген келісімдерді жүзеге асыруға Ұлттық ассамблеяның қолдау көрсетуге дайындығы атап өтілді.
Кездесу барысында түрлі деңгейдегі, соның ішінде «Орталық Азия + Корея Республикасы» аясында өтетін алдағы іс-шаралардың кестесі туралы пікір алысылды деп хабарлайды Сыртқы істер министрлігінің баспасөз қызметі.
Цифрландыру және электронды үкімет салаларындағы ынтымақтастықты жеделдету, бірлескен инвестициялық жобаларды жүзеге асыру арқылы экономикалық дипломатияны белсенді дамытуға ерекше назар аударылды. Пак Кванг Онның айтуынша, Өзбекстан Корея Республикасы үшін инвестиция тарту, біріккен өндіріс орындарын құру және бизнес жүргізу тұрғысынан тартымды ел болып қала береді.
