Лого Лого-пв-уз

    Владимир Норов Тәжікстан Республикасының Сыртқы істер министрімен кездесті

    2022 жылғы 13 майда Душанбе қаласында өтетін Тәуелсіз Мемлекеттер Достастығы Сыртқы істер министрлері кеңесінің кезекті мәжілісі аясында Өзбекстан Республикасының Сыртқы істер министрі міндетін уақытша атқарушы Владимир Норов Тәжікстан Республикасының Сыртқы істер министрі Сирожиддин Мухриддинмен келіссөздер жүргізді.

    Сыртқы істер кеңселерінің басшылары Тәжікстан Республикасы Президентінің Өзбекстан Республикасына алдағы сапары туралы, сондай-ақ саяси, сауда-экономикалық, көлік-коммуникациялық, мәдени-гуманитарлық салалардағы екіжақты ынтымақтастықты егжей-тегжейлі талқылады.

    Өзбекстан мен Тәжікстан басшылары арасында нығайып бара жатқан өзара  сенім мен достық қарым-қатынастар және екі бауырлас халықтар арасындағы көп ғасырлық байланыстарға негізделген стратегиялық серіктестіктің қазіргі жағдайына жоғары баға берілді.

    Таяу жылдарда тауар айырбастау көлемі 1 миллиард долларға жеткізу бойынша екі мемлекет Президенттерінің берген тапсырмаларын сөзсіз орындау қажет екені айтылды.

    Тараптар Сауда-экономикалық ынтымақтастық бойынша Өзбекстан-Тәжікстан Үкіметаралық біріккен комиссиясының кезекті мәжілісін мүмкіндігінше тез арада өткізу қажеттігін атап өтті.

    Биыл дипломатиялық қарым-қатынастың орнағанына 30 жыл толуын атап өтуді ескере отырып,  мәдени-гуманитарлық бағыттағы ынтымақтастықты кеңейтуге, атап айтқанда, Өзбекстан мен Тәжікстан аумақтарында біріккен ірі мәдени шараларды ұйымдастыруға келісілді.

    Тәжікстан тарапы Өзбекстанның Шанхай ынтымақтастық ұйымына төрағалығын жоғары бағалай отырып,  мемлекетіміз тарапының бастамаларын жан-жақты қолдап-қуаттады, сондай-ақ  барлық іс-шараларға, соның ішінде Самарқантта өтетін ШЫҰ саммитіне белсенді қатысуға дайын екенін растады.

    Келіссөздер кезінде тараптар аумақтық  және халықаралық саясаттың өзекті мәселелері туралы пікір алысты, алдағы кезеңге арналған бірлескен шаралар кестесін қарастырды, деп хабарлайды Сыртқы істер министрлігінің баспасөз қызметі.

     

    No date selected
    August 2022
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates