“Лашкар-и-Тайба” гуруҳига алоқадор бир гуруҳ террорчилар Кашмир жанубидаги Байсаран водийсида туристларга ҳужум уюштириб, 27 кишини ўлдиргани, 12 кишини яралагани хабар қилинган. Қурбонлар рўйхатига кўра, уларнинг барчаси Ҳиндистон фуқаролари.
Қайд этилишича, камуфляждаги бир неча қуролланган киши от миниб кетаётган туристларга қарата тартибсиз ўқ узган. Ҳужум туристлар гавжум бўлган Байсаран водийсида содир бўлди.
Омон қолганлардан бирининг сўзларига кўра, террорчилар ўт очишдан олдин уларнинг динлари ҳақида сўрашган. “Қаршилик фронти” гуруҳи ҳужум учун жавобгарликни ўз зиммасига олди, деб хабар беради belta.by.
