Тинчлик шартномаси Украина учун ҳозирги урушдан кўра каттароқ уруш хавфини туғдиради. АҚШ “кўп ноаниқлик”ни юзага келтирмоқда ва Путинга ишониб бўлмайди. Бу ҳақда Дания Бош вазири Мэтте Фредериксен маълум қилди, дея хабар беради DR.
“Кўпчилик тинч йўл билан ечим топиш ёки ўт очишни тўхтатиш яхши фикр деб ўйлашини тушунаман, бироқ биз таваккалчилик қиляпмиз, Украинадаги тинчлик ҳозир давом этаётган урушдан кўра хавфлироқ”, деди Дания Бош вазири.
Фредериксен Владимир Путин ва унинг ниятларига ишонмаслигини айтди.
“Мен ҳалол бўлишим ва Путинга ишонмаслигимни айтишим керак. Менимча, у Украинада тинчлик бўлишини хоҳламайди”, деди Бош вазир.
Унинг қўшимча қилишича, АҚШ Россиянинг Украина, НАТО ва Европага қарши урушига нисбатан “жуда катта ноаниқликни” келтириб чиқармоқда, деб хабар беради korrespondent.net.
