Унга кўра, рейдлар давомида хавфсизлик кучлари томонидан турли калибрли 61 та қурол, 418 та ўқ-дори ва 24 та портловчи мослама мусодара қилинган. 41 киши асирликдан қутқарилди. Бундан ташқари, хавфсизлик кучлари 28 нафар қочоқ жиноятчини қўлга олишга муваффақ бўлди. Шу билан бирга, қўмондонлик бошлиғининг қайд этишича, полиция ходимлари ва ҳарбий хизматчилар уч марта қуролли гуруҳлар билан тўқнаш келишган.
Аввалроқ мамлакат Бош прокуратураси қочганидан кейин қўлга олинган 17 маҳбусга нисбатан айблов эълон қилган эди.
Эквадордаги вазият ўтган якшанба куни Фито лақабли “Лос-Чонерос” тўдаси етакчиси қамоқдан қочиб кетганидан сўнг кескинлашди. Шундан сўнг бир қанча қамоқхоналарда тартибсизликлар содир бўлди. 8 январь куни мамлакат Президенти Даниэль Нобоа мамлакатда фавқулодда ҳолат эълон қилди ва комендантлик соати жорий қилди. Кейинроқ у ҳуқуқ-тартибот ходимларини 22 жиноий гуруҳни зарарсизлантиришга чақирди, деб хабар беради mir24.tv.
