Қайд этилишича, жорий йилнинг 5 октябрь куни айрим телеграм каналларида “Радар базасидан маълумотларни “ўчириб берувчилар” қўлга олинди” сарлавҳаси остида “Ҳуқуқни муҳофаза этувчи органларнинг қўшма тадбирида, бир нафар IT ходими ва икки нафар жисмоний шахсларнинг ўзаро тил бириктириб, маълум ҳақ эвазига фото радарлар қайд қилган маълумотларни ўчириб келганлиги аниқланди”, мазмунида хабар тарқалди.
Бош прокуратура ҳузуридаги Иқтисодий жиноятларга қарши курашиш департаменти томонидан жорий йилнинг ўтган даврида бу каби тезкор тадбир ўтказилмаган.
Қолаверса, ушбу хабарга илова қилинган фотосурат Департаментнинг расмий телеграм каналида 2022 йил 5 январда эълон қилинган хабардан олиб қўйилган.
Баён этилган ҳолатда юқорида тарқалган хабар ҳақиқатдан йироқлиги, соҳа фаолияти билан боғлиқ хабарларни Департаментнинг расмий телеграм канали орқали кузатиб бориш мумкинлиги маълум қилинган.
