Таъкидланишича, қурилмани яратишда Masatech компанияси ҳамда Братиславадаги Коменский ва Словакия университетларининг алоҳида факультетлари иштирок этган. Лойиҳа ҳукумат томонидан молиялаштирилган.
Экспертлар инсон чиқараётган нафасдан 60 сониядан камроқ вақт ичида коронавирусни аниқловчи қурилмани яратишга муваффақ бўлган. Шундан сўнг, таҳлил намуналари дастурий таъминот алгоритмлари ёрдамида классификацияланади.
Маълумотларга кўра, FastBreathSpec иши ионлар ҳаракатининг спектрометриясига асосланган.
Бугунги кунда коронавирус ПЦР ҳамда экспресс-тестлар ёрдамида аниқланмоқда. Бироқ экспресс-тестлар антитаналар билан ишлагани учун вируснинг билвосита белгиларини аниқлай олади холос.
Эслатиб ўтамиз, февралда Польша компанияси ўн сония ичида инсон нафаси орқали COVID-19ни аниқлайдиган қурилма ихтиро қилгани хабар қилинган эди.
