Хитойнинг бошқа ҳудудларидан Пекинга туристик гуруҳ бўлиб ташриф буюриш ҳам тақиқланди. Эпидемиологик хавф юқори бўлган туман аҳолисидан шаҳардан ташқарига чиқиш ман этилди. Шаҳарда оммавий-маданий, кўнгилочар ва спорт тадбирларини ташкил этиш тўхталди.
Ўтган ҳафтанинг шанба куни коронавирус билан касалланиш янги тўлқини пайдо бўлгач, Пекиндаги йирик «Синьфади» улгуржи бозори ёпилган эди. Дастлабки таҳлил натижаларига кўра, вирус тахтакачдан топилганди.
Пекин расмийлари пойтахтдаги барча компания ишчиларини 14 кунлик карантинга жўнатишга мажбур бўлди. Фэнтай туманининг 11 та кварталида ўз-ўзини ҳимоялаш карантин тартиби ўрнатилди. Хэбэй музофотидаги 11 миллионлик аҳолига эга Баодин шаҳрида эса ҳарбий ҳолат жорий этилди.
