Саккиз йил давом этган клиник синовда олимлар георгина гули япроқларидан ажратилган учта бирикмани синаб кўришди. Тажрибада қандли диабетга чалиниш арафасидаги ҳамда диабетнинг иккинчи тури ташхиси қўйилган одамлар иштирок этишди. Ҳайвонлар иштирокида ўтказилган аввалги синовлар бирикма миядаги яллиғланишни камайтиришини, мия инсулин гормонига сезгирликни оширишини ва қондаги қанд миқдорини тартибга солишини кўрсатди.
Энди маълум бўлишича, георгина экстрактидан олинган ўсимлик молекуласи қандли диабетга чалинган беморларнинг қондаги қанд миқдорини барқарорлаштиради.
Технология аллақачон патентланган ва тадқиқотчилар қондаги қанд миқдори ва инсулин даражасини меъёрда сақлашга ёрдам берадиган георгина экстракти бор табиий қўшимчани бозорга чиқариш учун тижорат компанияси билан ҳамкорлик алоқаларини ўрнатишди, деб хабар беради lenta.ru.
