Олот ва Қоракўлда ичимлик суви таъминоти камида 90 фоизга етади

Мамлакатимизда 21 янв 2021, 18:19 2 100

Давлатимиз раҳбари Шавкат Мирзиёев Бухоро вилоятига ташрифи давомида «Ўзсувтаъминот» АЖ бошқаруви раиси Соҳиб Саифназаровнинг Олот ва Қоракўл туманлари сув таъминотини яхшилашга оид лойиҳалари тақдимоти билан танишди.

Лойиҳага кўра, Жаҳон банки иштирокидаги Олот ва Қоракўл туманлари ичимлик сув таъминотини яхшилаш бўйича 139 миллион долларлик лойиҳа якунланиб, 265 минг аҳоли ичимлик суви билан таъминланади. Бу икки туманда 30 йилда ичимлик суви таъминоти 17 фоиз бўлган, жорий йилда бу кўрсаткич камида 90 фоизга етади.