Бу ҳақда EFEга таяниб, Swissinfo хабар берди.
“Онлайн тижоратни осонлаштириш ва алоқа чекловларини камайтириш учун мен Эрон олий миллий хавфсизлик кенгаши котиби Али Ларижонига интернетга киришни имкон қадар тезроқ тиклашни тавсия қилдим”, деди Пезешкиён.
Бундан ташқари, у ўтган йил охиридан бери мамлакатни қамраб олган норозилик намойишлари пайтида ҳибсга олинганларнинг ишларига алоҳида пухта ва адолатли муносабатда бўлишга чақирди.
“Сўнгги воқеалар муносабати билан ҳибсга олинганларнинг ишларида энг юқори аниқлик ва адолат ҳукм суриши керак”, деди Эрон Президенти ва “қотилликлар ва зўравонлик ҳаракатларининг раҳбарлари ва айбдорлари тегишли суд ва ҳуқуқни муҳофаза қилиш органлари олдида ҳеч қандай ён беришларсиз жавобгарликка тортилиши керак”, деб қўшимча қилди.
Эслатиб ўтамиз, Эронда норозилик намойишлари 2025 йил охирида иқтисодий вазиятнинг ёмонлашиши, хусусан, миллий валюта курсининг кескин пасайиши туфайли бошланган. Кейинчалик улар тартибсизликларга айланиб кетди. Турли ҳисоб-китобларга кўра, полиция ва намойишчилар ўртасидаги тўқнашувлар оқибатида 3000 дан 5000 гача одам ҳалок бўлди ва 10 000 дан ортиқ одам ҳибсга олинди, деб хабар берди report.az.
