Қайд этилишича, ўтказилган текширувларда ушбу маҳаллада истиқомат қилувчи Ш. С. га тегишли хонадондаги иссиқхонада табиий газ тармоғига тегишли лойиҳа ҳужжатларисиз, хонадонга ўрнатилган ҳисоблагичнинг фильтр қисмидан ўзбошимчалик билан резина шланг ва газ сўрғич орқали табиий газдан ўғринча фойдаланиб келаётгани аниқланди.
Ҳозирда ҳолат юзасидан далолатнома тузилиб, сарфланган табиий газ ҳажми қайта ҳисоб-китоб қилинди ва 1 миллиард 117 миллион сўмлик зарар ҳисобланди. Жараёнга тегишли барча ҳужжатлар ҳуқуқни муҳофаза қилувчи органларга топширилди.
