Халқимизда ўрик туршаги, анжир, олмурут туршаклари жуда фойдали, шифобахш деб, кўп қўлланилади.
Қуритилган меваларнинг фойдалари ҳақида кўп маълумотлар мавжуд, аммо уларнинг зарарли томонлари ҳам борлигига кўпчилик ишонгиси келмайди. . Чиндан ҳам қуритилган меваларнинг зарарли томонлари ҳам борми?
Зарарли томонлари шундаки,
уларда шакар ва калория миқдори жуда юқори.  Шу сабабли уларни меъёрида истеъмол қилиш керак. Акс ҳолда жуда кўп хавф туғдириши ҳам мумкин. Қандли диабет, вазн ортиши ва юрак-қон томир касалликларига чалиниш эҳтимоли мавжуд.
Қуритилган меваларни харид қилиш чоғида, албатта, чиройли, ялтиллаганларини танламаслик керак. Ишлаб чиқарувчилар меваларга чирой бериш учун уларга кимёвий бирикмалар билан ишлов беради. Албатта, улар соғлиққа зарар етказиши мумкин.
Кўпгина қуритилган мевалар моғор босган бўлиши мумкин. Бунинг хавфли жойи  йўқ. Чунки уларни яхшилаб ювиб ейиш мумкин.