Хабарда айтилишича, 37 ёшли боксчи WADA томонидан ўтказилган допинг тестлардан муваффақиятли ўтган. Ковалёвнинг жамоаси вакилларининг таъкидлашича, боксчининг рақиби ва мусобақа санаси ҳақида ҳозирча бир тўхтамга келинмаган. Лекин унинг рингга қайтиши аниқ.
Маълумки, россиялик боксчи 2019 йил ноябрь ойидан бери бирон бир жангда қатнашмади. Айнан ўшанда Ковалёв мексикалик профессионал боксчи Сауль Альваресдан нокаутга учраганди.
Хабарингиз бор, жорий йилнинг бошларида Ковалёв-Мелиқўзиев жангининг ўтказилиши масаласида маълум бир келишувларга эришилган эди. Ҳатто жанг санаси 30 январь этиб белгиланганди ҳам. Аммо, собиқ чемпионнинг допинг-тестдан ўта олмагани оқибатида ушбу жанг номаълум муддатга қолдирилди.
Воқеалар ривожи қандай давом этишини вақт кўрсатади. Бироқ, тахминларга кўра Ковалёв “ўзбек бўрони”га рўбарў келишдан ҳайиқмоқда.
