Zhuque-2нинг учирилиши чоршанба куни Пекин вақти билан соат 09:00да Хитой шимолидаги Цзюцюань космодромида амалга оширилди.
Ўтган йилнинг октябр ойида Хитой янги TQ-15A юқори қувватли суюқ кислород-метан двигателини муваффақиятли синовдан ўтказди. Ракетанинг учирилиши ушбу технологияни соҳада қўллашга бўлган иккинчи уринишдир. Бундай ракетанинг биринчи учирилиши декабрь ойида амалга оширилган, бироқ иккинчи қисмдаги двигателнинг носозлиги туфайли муваффақиятсиз якунланган.
Zhuque-2нинг диаметри 3,35 метр бўлиб, узунлиги 49,5 метрга, оғирлиги 216 тоннага етади. У 4 тонна оғирликдаги юкни тахминан 500 километр баландликка, 6 тоннали юкни эса 200 километр баландликка етказиш имкониятига эга. Келажакда LandSpace ҳар йили 15 тагача шундай ракета ишлаб чиқаришни режалаштирмоқда, деб хабар беради tass.ru.
