Хабарда айтилишича, икки киши ҳаётдан кўз юмган, уч киши бедарак йўқолган. Икки киши қутқарилди. Маълумотларга кўра, кўприк оралиқларининг қулаб тушиши оқибатида бешта автомобил зарар кўрган. Улардан иккитаси сувга, учтаси эса юк кемасига тушиб кетган.
Аввалроқ Panpay ахборот ресурси маҳаллий ҳокимият органларига таяниб, сувга тушиб кетган автомобиллар орасида ичида фақат ҳайдовчиси бор йўловчи автобуси ҳам бўлгани ҳақида хабар берган эди. ОАВда кўприкдан юк машинаси ҳам тушиб кетгани ҳақида хабарлар тарқалган эди.
Фавқулодда ҳолат маҳаллий вақт билан соат 05:30 да Наньша шаҳарчасида содир бўлган. Номаълум сабабга кўра контейнер ташувчи кема автомобиль кўпригининг таянчларидан бирига бориб урилган, оқибатда унинг оралиқларидан бири қулаб тушган, деб хабар беради tass.ru.
