Таҳлил натижаларига кўра, 247 та субъектда 8 миллион 962 минг литр нефть маҳсулотлари давлат стандарт талабларига жавоб бермаслиги, яъни сифати паст экани аниқланиб, уларнинг сотувга чиқарилиши олди олинди.
Аниқланган ҳолатлар юзасидан маҳсулот сифати тикланиши бўйича тегишли кўрсатмалар берилди ҳамда уларнинг ижроси назоратга олинди.
Ўзэнергоинспекциянинг эслатиб ўтишича, техник регламент талабларига жавоб бермайдиган, шунингдек, меъёридан ортиқ заҳарли моддалар чиқишига сабаб бўлувчи ёнилғи-мойлаш материалларини реализация қилганлик учун қонунчиликда белгиланган жавобгарлик чоралари мавжуд.
