Тадқиқот 35 бонки тиҷоратиро дар бар гирифта, бар пояи таҳлили 27 нишондиҳанда бо дарназардошти меъёрҳои байналмилалӣ, аз ҷумла талаботи Кумитаи Базел оид ба назорати бонкӣ анҷом дода шудааст.
Тибқи натиҷаҳо, ҳаҷми дороиҳои бахши бонкӣ ба 892,9 триллион сӯм, уҳдадориҳо ба 759,8 триллион сӯм расиданд. Ҳаҷми қарздиҳӣ 13 фоиз, пасандозҳо 31 фоиз афзоиш ёфтаанд. Фоидаи соф 57,1 фоиз зиёд шуда, 13,5 триллион сӯмро ташкил дод. Ҳиссаи қарзҳои мушкил то 3,5 фоиз коҳиш ёфта, нишондиҳандаҳои кофигии сармоя аз меъёрҳои муқарраршуда беш аз 1,4 маротиба баланд шуданд.
Дар миёни бонкҳои бузург аксарият мавқеъҳои худро ҳифз карданд, ки аз болоравии рақобатпазирии соҳа дарак медиҳад. Пешрафти назаррасро «Ӯзпромстройбанк» нишон дод (+3 зина). Ҳамчунин мавқеъҳои худро «Давр банк», «Ориент финанс банк», «Халк банк» ва «Ипотека банк» беҳтар карданд. Коҳиш дар мавқеъҳои «Инвест финанс банк» ва «Алока банк» ба қайд гирифта шуд.
Дар бахши бонкҳои хурд низ суботи нисбӣ мушоҳида мешавад. Пешсафи рейтинг — «Универсал банк» — мавқеи худро нигоҳ дошт, дар ҳоле ки «Апекс банк» се зина боло рафт. Бештарин коҳиш ба ҳиссаи «Зироат банк» рост омад (–3 зина).
Дар маҷмӯъ, рейтинг устувории низоми бонкиро ва боло рафтани сатҳи рақобатпазирӣ дар заминаи бозтақсимоти маҳдуд дар бахши миёна инъикос мекунад, хабар медиҳад ИА «Дунё».
