Мувофиқи қарор, аз 1 январи соли 2022 ба субъектҳои соҳибкорӣ (ба ғайр аз корхонаҳои ҳиссаи давлатиашон беш аз 50 фоиз, истифодабарандагони сарватҳои зеризаминӣ ва истеҳсолкунандагони маҳсулоти зераксизӣ) ҳуқуқи таъхири пардохти андоз, ки бинобар андози молу мулк ва андози замин ҳисоб карда шудаанд, ҳангоми хариди ҳуқуқи амвол ба қитъаи замин ва (ё ки) бино ва иншооти майдони умумиашон беш аз 1 000 метри мураббаъ, ба муҳлати шаш моҳ дода мешавад.
Дар он:
- ҳуқуқи ба таъхир андохтани пардохти андозҳо дар давоми се моҳ аз рӯзи бақайдгирии давлатии ҳуқуқи моликият ба қитъаҳои замин, биноҳо ва иншоот бо огоҳии мақомоти хидмати давлатии андоз ва бидуни талаб намудани таъмини пардохти он (гарав) амал мекунад;
- мӯҳлати эътибори ба таъхир гузоштани пардохти андоз санаи ирсоли огоҳинома ба тартиби муқарраргардида ба мақомоти хидмати давлатии андоз ба ҳисоб меравад ва маблағи батаъхиргузошташудаи андоз дар давоми сол бо ҳиссаҳои баробар бо фоизҳои ҳисобшуда аз санаи ба охир расидани огоҳиномаи мазкур пардохта мешавад. Баробари ин фоизҳо барои истифодаи имкониятҳои тағйир додани муҳлати пардохти андоз ба миқдори 50 фоизи ставкаи асосии Бонки марказӣ аз санаи таъхиргузории андозҳо ҳисоб карда мешаванд;
- ҳангоми фурӯхтани ё ба иҷора додани қитъаи замин ва (ё) биноҳо ва иншоот дар давраи муҳлати таъхири пардохти андоз маблағи андозҳо, ки дар тӯли давраи батаъхиргузории андози молу мулк ва андози замин ҳисоб карда мешаванд, ба миқдори пурра ситонда мешаванд;
- ба субъектҳои хоҷагидорӣ, ки ба гурӯҳи андозсупорандагони хавфи вайрон кардани қонунгузории андоз тааллуқ доранд, таъхир бинобар пардохти андоз дода намешавад.
