Дар ин мусобиқаҳо варзишгарони ватанӣ 8 медали тилло, 2 нуқра ва 3 биринҷӣ ба даст оварда, дар таърихи варзиши Ӯзбекистон саҳифаи нав кушода, қаҳрамони Ӯзбекистони нав гардиданд.

Медали тилло:

Диёра Келдиёрова (дзюдо, -52 кг)

Улуғбек Рашитов (таэквондо ВТ, -68 кг)

Разамбек Ҷамолов (гӯштии озод, -74 кг)

Ҳасанбой Дӯсматов (бокс, -51 кг)

Абдумалик Халоқов (бокс, -57 кг)

Асадхуҷа Муйдинхӯҷаев (бокс, -71 кг)

Лазизбек Муллоҷонов (бокс, -92 кг)

Баҳодир Ҷалолов (бокс, +92 кг)

Медали нуқра:

Акбар Ҷӯраев (вазнабардорӣ, -102 кг)

Светлана Осипова (таэквондо ВТ, +67 кг)

Медали биринҷӣ:

Музаффарбек Тӯрабоев (дзюдо, -100 кг)

Алишер Юсупов (дзюдо, +100 кг)

Ғуломҷон Абдуллоев (гӯштии озод, -57 кг)

Ҳайати мо бо ин нишондод дар ҳисоби медалҳо дар байни 206 кишвари ҷаҳон мақоми 13-умро касб кард. Мо дар қитъаи Осиё чаҳорум шудем ва дар миёни кишварҳои ИДМ, минтақаи Осиёи Марказӣ ва ҳамчунин кишварҳои узви ҳамбастагии исломӣ ва Созмони кишварҳои туркӣ ба мо баробар набуд ва ҳайати Ӯзбекистон мақоми аввалро гирифт.

Дар Бозиҳои тобистонаи олимпии Париж-2024 натиҷаҳои воқеан таърихӣ ба даст оварда шуданд. Аз ҷумла, варзишгари мо бори аввал дар Бозиҳои тобистонаи олимпӣ медали тило ба даст овард, боксчиён бо 5 медали тилло дар ҳисоби даставӣ аввалин шуда, бори аввал дар таърих дзюдочиёни Ӯзбекистон 3 медал ва таэквондочиён 2 медали Бозиҳои олимпӣ ба даст оварданд. Бо вуҷуди он ки варзишгарони боқимонда ба гирифтани мукофотҳо муяссар нагардиданд, бо вуҷуди ин онҳо тамоми қувваро ба кор бурданд, то ки шарафи Ватани моро дар майдонҳои Франсия ба таври бояду шояд ҳимоя кунанд. Намояндагони Ӯзбекистон дар Бозиҳои кунунӣ дар барномаҳо, аз қабили футбол, шиноварӣ, камонварӣ ва гӯштини занона нахустин бор ширкат варзиданд.

Бешубҳа, ин натиҷаҳо ба шарофати таваҷҷуҳ ва дастгирии Президенти муҳтарамамон ба даст омадаанд. Дар рафти тайёрӣ ба спартакиада барои ҳар як командаи мо шароити зарурӣ фароҳам оварда шуда, мутахассисони хориҷӣ ҷалб карда шуда, бо воситаҳои зарурии тиббию фармакологӣ сари вақт таъмин карда шуданд.

Кумитаи миллии олимпии Ӯзбекистон ба Сарвари давлат ва ҳукумат барои фароҳам овардани шароити зарурӣ барои ҳайати мо дар ҷараёни Бозиҳо, ба ҳамаи ҳамватаноне, ки дар мусобиқаҳои муҳим варзишгарони моро дастгирӣ намуданд, инчунин ба дастаи мунтахаб изҳори сипос мекунад ва мухлисон ва ҳамаро бо чунин натиҷаҳои таърихӣ самимона табрик менамояд.

Ташаккур ба шумо барои эҳсосоти фаромӯшнашаванда, Париж!