Иттифоқи байналмилалии конкикашӣ (ISU) натиҷаҳои беҳтарини мавсими имсоларо эълон кард. Аз рӯйи парвози фигуранок аъзои дастаи мунтахаби Ӯзбекистон ҷуфти Дмитрий Чигирев ва Екатерина Гейниш дар номинаи «Беҳтарин дебютант» ғолиб шуданд.
Дар мавсими имсола ҳамватанони мо бори аввал дар мусобиқоти байналмилалӣ байни калонсолон ширкат карданд. Новобаста аз ин, онҳо дар Бозиҳои зимистонаи осиёии Ҳарбин-2025 медалҳои тилло ва дар Гран-прии Канада медалҳои нуқра гирифтанд.
Инчунин дар Чемпионати ҷаҳон, ки дар шаҳри Бостон гузаронида шуд, дар даҳгонаи беҳтарин ҷой гирифта, барои иштирок дар Олимпиадаи зимистонаи Милан-Кортина-2026 роҳхат ба даст оварданд.
Дар Пусан (Ҷумҳурии Корея) навбатии Конфронси ҷаҳонии Агентии ҷаҳонии зиддидопинг (WADA) баргузор мегардад. Дар ин ҳамоиши бонуфуз Ӯзбекистонро вазири варзиш Адҳам Икрамов ва директори Агентии миллии зиддидопинг Абдушукур Содиқов намояндагӣ мекунанд.
Дар деҳаи Олимпии пойтахт чемпионати Ӯзбекистон оид ба гуштии юнону румӣ оғоз ёфт. Маросими ботантанаи ифтитоҳ бо иштироки намояндагони Вазорати варзиш, Кумитаи миллии олимпӣ ва Иттиҳоди гӯштии варзишии Ӯзбекистон баргузор шуд, ки ба ҳамаи иштирокчиёни мусобиқа барори кор орзу карданд.
Аз 22 то 31 октябр дар Баҳрайн Бозиҳои III наврасони Осиё баргузор шуданд, ки дастаи мунтахаби Ӯзбекистон дар онҳо бо натиҷаҳои баланд ширкат намуда, 37 медали тилло, 16 нуқра ва 28 биринҷӣ ба даст овард ва ҷойи дуюмро дар ҳисоби умумии дастаҳо ишғол кард.
Рӯзи навбатии Бозиҳои III ҷавонони Осиё дар Баҳрайн барои дастаи мунтахаби Ӯзбекистон бомуваффақият анҷом ёфт. Варзишгарони мо хазинаи дастаи худро бо 4 ҷоиза — 3 медали тилло ва 1 медали биринҷӣ ғанӣ гардонданд.
Дар шаҳри Тошканд маросими тантанавии сарфарозгардонии варзишгароне баргузор гардид, ки дар чемпионатҳои ҷаҳон оид ба бокс, вазнбардорӣ ва қаиқронӣ дар байдарка ва каноэ ба дастовардҳои баланд ноил шуданд. Бо дастури Президент ба варзишгарон ва мураббиёни онҳо автомобилҳои BYD ва мукофотҳои пулии якдафъаина тақдим гардиданд.
Дар кишвар марҳалаи дуюми лоиҳаи бузурги варзишии «Қуллаҳои олимпии Ӯзбекистони Нав» оғоз гардид. Аввалин мусобиқаҳо дар доираи ин марҳала аз рӯи риштаи таэквондо (WT) дар вилояти Сурхандарё ва Ҷумҳурии Қароқалпоқистон баргузор шуданд.
Дар доираи чемпионати ҷаҳон оид ба намудҳои варзиши обӣ, ки дар шаҳри Сингапур баргузор мегардад, Конгресси Федератсияи ҷаҳонии намудҳои варзиши обӣ (World Aquatics) баргузор шуд. Дар натиҷаи ҷаласаи Конгресс ҳайати навсозишудаи Бюрои Кумитаи иҷроияи ин ташкилоти бонуфузи байналмилалӣ таъсис дода шуд.
Рӯзи навбатии мусобиқоти Универсиадаи тобистонаи ҷаҳонӣ, ки дар Олмон идома дорад, боз як муваффақияти дигарро барои дастаи мунтахаби Ӯзбекистон овард. Шиновар Элдорбек Усмонов медали дуюми ин мусобиқотро ба хазинаи дастаи Ӯзбекистон илова кард.
Дар шаҳри Люсерни Швейтсария марҳилаи Ҷоми ҷаҳон оид ба қайиқронии академӣ баргузор мешавад. Қобили зикр аст, ки бори аввал дар таърих дастаи мунтахаби Ӯзбекистон дар чунин мусобиқаи бонуфуз медал ба даст овард.
