Тибқи маълумот, 4 августи соли 2025 соати 23:30 ҳавопаймое бо гурӯҳи ӯзбекистониҳое, ки дар Ҷумҳурии Туркия аз ҳимояи ҳуқуқӣ ва иҷтимоӣ маҳрум монда буданд, дар Фурудгоҳи байналмилалии шаҳри Тошканд фуруд омад.
Яке аз бозгаштагон — Азизбек Хоҷиматов аз вилояти Фарғона — қиссаи худро чунин нақл кард:
«Ман дар Туркия бе кор, бе маблағ ва бе пуштибонӣ мондам. Мехостам баргардам, аммо чунин имконият надоштам. Ҳангоме ки дар бораи ин иқдом шунидам, ба намояндагии Агентии муҳоҷират муроҷиат кардам. Онҳо фавран бо ман тамос гирифтанд, вазъияти маро омӯхтанд ва ба бозгаштам кумак карданд», — мегӯяд ӯ бо ашки миннатдорӣ дар чашмонаш.
Пас аз бозгашт ба Ӯзбекистон шаҳрвандон аз муоинаи тиббӣ ва равонӣ гузаштанд. Ба онҳо хизматрасониҳои тиббии ройгон, машваратҳои ҳуқуқӣ ва дастгирии равонӣ пешниҳод мегардад.
Давлат талошҳои худро барои ҳифзи ҳуқуқ ва барқарор намудани некӯаҳволии шаҳрвандонаш, ки дар вазъияти душвори зиндагӣ дар хориҷ қарор доранд, идома медиҳад.
