То
субҳи 28 сентябр фючерсҳои нафти навъи Brent 1,74 дарсад боло рафта, ба 106,14 доллар барои як баррел
расиданд.
Нархи
нафти навъи WTI 93,24 доллар барои як
баррелро ташкил дода, 0,90 дарсад афзоиш ёфт.
Арзиши
нафти русии Urals бошад, 3,57 дарсад боло рафта, ба 113,61 доллар барои як баррел расид.
Ҳамзамон
ба бозори нафт чанд омил таъсир мерасонад. Аз як тараф, сармоягузорон дурнамои
ба даст омадани тавофуқ байни Вашингтон ва Теҳронро арзёбӣ мекунанд, ки
метавонад боиси коҳиши шиддат ва барқарор шудани интиқоли нафт тавассути гулӯгоҳи
Ҳурмуз гардад.
Нархи
ҷаҳонии нафт аз 25 сентябр дар пасманзари интизориҳои эҳтимоли оташбас байни
ИМА ва Эрон тағйир меёбад. Дар ҳамин ҳол, иштирокдорони бозор ҳамоно хавфи
халалдор шудани интиқоли ашёи хом аз минтақаи Ховари Миёнаро пайгирӣ мекунанд.
Бояд
гуфт, ки 25 сентябр Эрон омодагии худро барои бастани созиш бо ИМА эълон карда
буд.
Дар
ҳамин ҳол, Эрон изҳор дошт, ки барои аз сар гирифтани музокирот бо ИМА омода
аст, аммо ҳамзамон эҳтимоли сар задани низои нави низомиро истисно намекунад.
Теҳрон инчунин шартҳоеро эълон кард, ки дар сурати иҷро шуданашон барои боз
кардани гулӯгоҳи Ҳурмуз омода хоҳад буд.
