Барномаи магистрии дудараҷагии «Муносибатҳои байналмилалӣ дар фазои пасошӯравӣ», ки имсол оғоз мешавад, аввалин хоҳад гардид.
«Ин барномаи таълимӣ барои ҳарду кишвар аҳамият дорад: ҳукумати Ҷумҳурии Ӯзбекистон аз тайёр кардани мутахассисони муносибатҳои байналмилалӣ дар фазои пасошӯравӣ манфиатдор аст, ки он ба кадрҳои дахлдор ниёз дорад, илова бар ин, барнома аллакай «кор карда шудааст» - як сол аст, ки якҷоя бо Донишгоҳи давлатии шарқшиносии Тошканд ба амал мебарорем. Татбиқи ин барнома дар заминаи филиал маҳз дар шакли ду диплом имкон медиҳад, ки бо саъю кўшиши муштарак мутахассисон тайёр карда, захираҳои ҳам Донишгоҳи давлатии Санкт-Петербург ва ҳам Донишгоҳи шарқшиносии Тошканд баробар тақсим карда шаванд. Дар натиҷа донишҷӯён як не, балки ду диплом хоҳанд гирифт”, -- гуфт муовини ректори Донишгоҳи давлатии Санкт-Петербург Сергей Андрюшин.
Тавре Сергей Андрюшин қайд кард, рӯйхати барномаҳои таълимӣ васеъ мешавад. Масалан, қабул ба барномаи "Таърихи Осиёи Марказӣ" аз соли 2023 оғоз мешавад. Таърихи факултети шарқшиносии Донишгоҳи Санкт-Петербург тақрибан 170 сол дорад. Ховаршиносони Донишгоҳи Санкт-Петербург аз замони империяи Русия дар экспедитсияҳо дар кишварҳои Осиёи Марказӣ кор карда, ин фаъолиятро дар замони шӯравӣ фаъолона идома медоданд.
Дар оянда дар пойгоҳи филиал дар соҳаи биотиббиёт дар ҳамкорӣ бо Вазорати нигаҳдории тандурустии Ӯзбекистон ва кластери дорусозии «Toshkent Pharma Park» тадқиқот гузаронда мешавад. Имконияти кушодани барномаҳо дар соҳаи биотиббиёт низ баррасӣ мешавад.
«Дар Ӯзбекистон рушди ин соҳа ҳоло оғоз шуда истодааст, аз ин рӯ ҳукумати ҷумҳурӣ ба ҷалби мутахассисони баландихтисос аз донишгоҳҳои пешрафтаи Русия, ки дар он ҷо тадқиқоти биотиббӣ инкишоф меёбанд, манфиатдор аст, то ки онҳо дар ин кор дастгирӣ кунанд. Ба шарофати ин ҳамкорӣ донишгоҳ ба яке аз калонтарин кластерҳои фармасевтӣ дар Осиёи Марказӣ, ки ҳоло дар наздикии Тошканд сохта шуда истодааст ва ба базаи клиникӣ дар Ӯзбекистон дастрасӣ пайдо мекунад, ки дар он мутахассисони мо бо беморон кор карда метавонанд. Ин ба таҳияи лоиҳаҳои нави тадқиқотӣ дар соҳаи биотиббӣ ва гузаронидани озмоишҳои клиникӣ мусоидат мекунад», -- афзуд Сергей Андрюшин.
Барои маълумот: қарор дар бораи созмон додани филиали Донишгоҳи давлатии Санкт-Петербург дар Ӯзбекистон баъд аз муроҷиати Вазорати таълими олӣ ва миёнаи махсуси Ҷумҳурии Ӯзбекистон бо дастгирии ҳукумати Ӯзбекистон қабул гардид.
