Дар оғози мулоқот меҳмони олиқадр паёми самимӣ ва таманниёти неки Президенти Ҷумҳурии Туркия Реҷеп Таййип Эрдуғонро ба Сарвари давлати мо расонд.
Зимни суҳбат масъалаҳои тавсеаи минбаъдаи ҳамкорӣ дар доираи Созмони давлатҳои туркӣ бо дарназардошти нақши рӯзафзун ва иштироки фаъолонаи Шӯро дар ҳамоҳангсозӣ ва пешбурди ташаббусҳои бисёрҷониба баррасӣ гардиданд.
Ба татбиқи амалӣ намудани пешниҳодҳои стратегии Ӯзбекистон, ки дар анҷумани имсолаи Созмони давлатҳои туркӣ дар шаҳрҳои Будапешт ва Габала ироа шуда буданд, таваҷҷуҳи махсус зоҳир гардид.
Президенти кишвари мо пешниҳод намуд, ки барои таҳкими иқтидори институтсионии Шӯрои пирон ва пешбурди лоиҳаҳои муштарак, ки ба ҳифзи анъанаҳои миллӣ, мероси маънавӣ ва ягонагии фарҳангии халқҳои туркӣ равона шудаанд, “харитаи роҳ” таҳия карда шавад.
